بكية عقاب الليل يامحلاها للشاعر صلاح الغزالي



بكت في الخفا ما هناك من ينهاها
بكية عقاب الليل يا محلاها

بكت كي حاستْ

بكت وينما دار الغوالي داست
بكت من قديم عذاب منه قاست
وعقّبلها تذكار ما هنّاها
أحلام السعادة عــ الوطا تواستْ
ومابا يروق الوقت لا رضّاها
فيما مضى ياما هموم تناست
واليوم عمّ الغيم كل سماها


بكت منظامة

بكت من قديم ومن خطور أيامه
وحسّه وهمسه في لذيذ كلامه
وجية الفرحة بيه كنهو جاها
كانت وكان وكاينات أيامه
وكان السعادة عندها وزهاها
وكانت زمان امعلية فـــ مقامه
مو حال غيره مــ البشر يملاها
واليوم منه عايشة فـــ دوامة
وصارتلها من خونته نستاها





بكية بلا تنهيد مي مسموعة
ماهيش بكيةبودعة مصنوعة
بكية أتداويهن كبود دراها
وإن شافت شعاع الشمس وآن طلوعه
تهمّد أتطيح طياح في مصباها
ترقد اللي فيه النصيب وتوعا
ويبدا مع جي الظلام عزاها