شكرا للأخوة و الأخوات و ان شاء الله نحتفل معا بعيد النصر و التحرير

كلمات الأعنية :

بدنا نعبي الزنزانات
وبدنا نملّي المعتقلات
وبدنا نفضّي الروسيات
كرمال الأمة الأسدية

نحنا جنودك يا بشار
على صباطك نحنا غبار
لعيونك منهدّ الدار
انت الديموقراطية

مطرح ما بتمشي وبتدوس
نحنا منركعلك منبوس
رح ندعسلك كل مدسوس
متل وحوش البرية

نحنا اسودك لا تهتم
بدنا نعبي الساحة دم
الشغلة أبدا مو بالـ كم
نحنا عنا النوعية

بلا حرية بلا بطيخ
مؤامرة جاية من المريخ
ما عنا هندوس وسيخ
ولا عنا زردشتية

يا بو الجبين العالي
بفديك بروحي ومالي
ومشان عيونك يا غالي
أنا بدبح أهلي بشبرية

قال الله.. حرية وبس
رح نفرمهم متل الخس
كلن كم مليون مندس
ما بيشكلوا الأغلبية

بدونك نحنا منتبهدل
تطلع عكتافي وتتدندل
اعلامك ضرب المندل
كشف المجموعة السلفية

ارهابية مالون حل
مشانك درعا رح نحتل
لا منكلّ و لا منملّ
لتصير إبادة جماعية

اسمك بالعالي مرفوع
وصوتك للسما مسموع
لو شعبك مات من الجوع
رح ننتخبك أبدية

ما عنا رأي ورأيين
عنا نورك يعمي العين
انت كبيرنا يا زين
انت ملك البشرية

معاني بعض الكلمات السورية:

الروسيات: البندقية الرشاش المصنوعة في روسيا
صباطك: نعلك (اعزكم الله)
زردشتية: دين ايراني قديم (اساس المجوسية)