سلام عليكم
وجهة نظري انه الحديث ع المدارس كمبنى مش وقته المهم يكون المكان نظيف ونظيف كويس مش هكي وخلاص ولا القرنبيول هذه حاجات ساهلة طلبية من ماليزيا يوصل في أسبوعين والمقاس والحجم واللون اللي تبيه.. مش من الصين أنا واحدة من الناس إلى ندعو إلي وقف التعامل مع الصين حتى شركات الاتصاللات الصينة معااااااااش نبوها بكككككل ... المهم
واللي يقوم بالتنظيف عمال متخصصين مش طلبة المدرسة نفسها ...
فكونا من أفكارالبو
الغبية وأهم أهم شي هيا إعادة تأهيل المدرسين
الطلبة مازالو صغار وبالشوية بالشوية نقدرو على الأقل نأهلو جيل كويس
لكن المدرسين والمدرسات هما الأهم.. لأنهم بصراحة ناجحين بالتنقيل والغش بالأخص الجدد إلا مارحم ربي وخليك المنظر والهيئة .. ماشاء الله:joker: .. ومش كلهم أكيد لكن الفاشل غطى على القلة الجيدة وهوا راهو مفيش فرق بين البنات والشباب في العملية التعليمية لكن المعروف أن المعلمات منضبطين أكثر .. هذا رأيي وسامحوني ياشباب.. برضو إلا مارحم ربي.. راهو منقولش هكي من فراغ .. ومع أني مش مدرسة ولكن متابعة بصمت من بعيد
وعلى فكرة مدرسين الإبتدائي أهم شي من ناحية التأهيل والمرتب والمفترض يكونو من يتقاضو مترتبات محترمة زي دول العالم الأول ويديرولهم دورات تأهيلية برا ليبيا لآن داخل ليبيا ميكونوش متشجعين ناهيك على أن تغيير المكان ليه دور كبير.
الكورسات العلمية المتخصصة بالتربية مفترض يجيبوها من اليابان بصراحة عندهم دروس تربوية مش عادية تعلم الأدب والأخلاق والله فيه حاجات ماسمعنا بيها عندهم يعطو فيها من الصغر
مثال صغيروبسييييط على الحاجات اللي ولت مفقودة عندنا.. زي احترام الكبير
.. يرفعو في طلبة الروضة والصف الأول إلى دور العجزة ويعطو فيهم دروس تطبيقية على احترام الكبير وكيفية التعامل معاه
خليك من الدورات النفسية والرياضات الجسدية المفيدة الي عمرنا ماطبقناها هنا ف مدارسنا
وفيه كثييير حاجات مهمة ممكن يطول شرحها
ونتمنى من المسئول على ملف التعليم انه ايدير استمارة توزع الكترونيا او يحطوها على موقع المجلس الانتقالي باش ياخدو أراء الناس والمفيد منها يعرضوها على الاستشاريين والمتخصصين ويقولبها في شكل يكون applicable
مع أنه تقريبا المجلس الوطني معنداش موقع خاص بيه.. ولو كان عنده موقع يتفضل أي أحد يعطينا عنوانه.. مشكور\ةطبعا
:: 
الإثنين سبتمبر 20, 2021 12:46 pm
هام جداً: قوانين المساهمة في المواضيع. انقر هنا للمعاينة 
