و الطاغي حرقها وهرب

والشباب حساباتها ثقلت .....
...
والي عنده دم بدي يدور عليه

والمدن شايله علي بعضها

تي معقولة ؟؟؟

الشرقاوي صاحبي قالي خوي مات قدام عيني وقتله جاري بالغلط وربي يهديه .... " يعني الراجل سامح "

والمصراتي قال التاورغي الي حبسني وعدبني قلت له ما بيني و بينك شيء غير انك لو غلطت في حد تاني تتحاسب .... الرجال هدا حتى هو سامح


باهي هدا النوع الاول خلينا نسموه تصفية الدم

خلي نمشوا لنوع تاني من التصفة


هي تصفية العنصرية

مصطلحات يستعملوا فيها الجماعة بش يحرقوا بها دم بعض ...

يعني قطاطيس و خنافس و زقرلوا و بوبريس وهاتك من هدا هلبا

تي هدا اخطر انوع التصفية .....

تي معقولة يا ناس

تي تي تي تي

نطيحوا طاغي واحد فنلقوا ليبيا تعبت طغاة


ويييين يااااااا


قال جدي " الصوف صوف نعجة والايد مش سواء "

تي ياما تكلمنا في محاضرات التوعية والتثقيف علي الوصم والتمييز ومخاطرة

اليوم نعاود نفس الغلطة في بعض

تي ويين الليبين الحق

قال جدي " حرك حورها تحن "


تي اهم ولادها تحركوا .....


اجمل حاجة ريتها
بنات مدايرين جمعية جميلة جدا " من بين انشطتهم الاهتمام بعد الشهداء والمفقودين للثوار والاجمال االاهتمام بالعائلات المحتاج لممن ماتوا بين صفوف الكتائب "


تي هدم ليبين حق خوت علي الحق ......


و انت كيف بتبداء


انا نقول بنبداء بنفسي ..... راح نتصل بأصحابي الي محسبوبين علي النضام السابق ونطمن عليهم و نتواصل معاهم

رحم الله الشهداء هم خلوا في رقابينا امانه " ليبيا بكل ما فيها امانة "


دام الوطن حر و دام ارضه عز لليبين